እነ እስክንድር ነጋን ከቂሊንጦ እስር ቤት አነጋግረው ሲመለሱ በግፍ የታሰሩ አባላትና ደጋፊዎቹ እንዲፈቱ ሲል ባልደራስ ጠየቀ።

በግፍ ታስረው የሚገኙ እስረኞች እንዲፈቱ እና በእስር ቤት የሰብዓዊ መብታቸው እንዲከበር ሲል ባልደራስ ለእውነተኛ ዲሞክራሲ ፓርቲ ጠይቋል።

ባልደራስ ይህን ያለው በእስር ላይ የሚገኙ የ5 አባላትና ደጋፊዎቹ የእስር አያያዝንና ፍትህ አለማግኘትን በመቃወም ለኢትዮጵያ ሰብአዊ መብት ኮሚሽን በጻፈው የአቤቱታ ደብዳቤ ነው።

በቂሊንጦ ማረሚያ ቤት በግፍ ታስረው የሚገኙ የባልደራስ መሪዎችን ጠይቀው ሲመለሱ “ፎቶ አንስታችኋል” በሚል ሰበብ ከኅዳር 16 ቀን 2014 ዓ.ም ጀምሮ አምስት አባላቱ መታሰራቸውን አውስቷል።

እስካሁን ድረስ ያለጠያቂ ቂሊንጦ ክራውን ሆቴል ጀርባ ታስረው እንደሚገኙ የገለጸው ፓርቲው አባላቱ በአስቸኳይ እንዲፈቱ እና በእስር አያያዛቸው ወቅትም ሰብዓዊ መብታቸው እንዲከበር አሳስቧል።

አባሎቻችን ያለምንም ቅድመ ሁኔታ ሊፈቱ ይገባል ያለው ፓርቲው አቤቱታው የደረሰው የኢትዮጵያ ሰብዓዊ መብት ኮሚሽንም ኃላፊነቱን እንዲወጣ ጠይቋል።