0
0
የአማራ ሰማዕታት
ይሰራላቸው ሐውልት
ይጠራ ስማቸው የሁሉም ከነአባት
ወልቃይት ፤ጠገዴ እንዲሁም በጠለምት
በግፍ ለተፈጁት በትነግ ሰራዊት።
ይጠራ ዘር ስማቸው የሁሉም ከነአባት
ወተር ፤ጉራፈርዳ አንዲሁም በአሰቦት
በግፍ ለተፈጁት በኦነግ ሠራዊት።
ይጠራ ስማቸው የሁሉም ከነአባት
ጎደር አደባባይ ወልደያ ለሞቱት
በድፍረት በወኔ በክብር የወደቁት።
ይጠራ ስማቸው የሁሉም ከነአባት
በአጋዚ ስናይፐሮች ባሕርዳር ላለቁት
በጠላቶች ሴራ በግፍ የተቀጩት።
ይጠራ ስማቸው የሁሉም ከነአባት
በአጣየ በደራ ፤በመንዝና ተጉለት
ለማንነት ሲሉ ተዋድቀው የቀሩት።
ይጠራ ስማቸው የሁሉም ከነአባት
“በቤንሻንጉል ጉምዝ” በዛ መርዛማ ቀስት
በአማራነታቸ ብቻ በስቅይ ያለፉት።
ይጠራ ስማቸው የሁሉም ከነአባት
በመርዝና ጥይት በግፍ የተፈጁት
እንደ በግ በካራ በግፍ የታረዱት።
ይጠራ ስማቸው የሁሉም ከነአባት
በማእከላዊና በቅሊንጦ እሥርቤት
በአርመኔ ድርጊት በግፍ ግፍ የሞቱት።
ይዘር ዘር ስማቸው የሁሉም ከነአባት
በምድረ ኢትዮጵያ የሆኑት መስዋእት
በአማራነታቸው ብቻ በግፍ የተፈጁት።
ይጠራ ስማቸው የሁሉም ከነአባት
በአውሮጳ አሜሪካ በሁሉም አለማት
ወገን! ወገን ሲሉ ዘላለም ያረፉት።
እውነተኛ ዳኞች እስቲ ተሰየሙ
አኖሌን መርምሩ አማራንም ስሙ
ታሪክ ለፍርድ ይቅረብ ክርክሩን ስሙ።
መረጃ፤ ማስረጃ ይቅረብ ከያለበት
ይሰማ ድምጻቸው አሁን ያሉ ህይውት
ስንት ንጹህ አልቋል ለአማራ ማንነት።
በሉ እናስባቸው ሀሉንም በየአመት
መስዋዕት ሆነዋል ለአማራ ማነት
ትውልድ እንዳይረሳም ይሰራላቸው ሐውልት።
