0
0
ዛሬ በዋለው ችሎት በጋዜጠኛ መስከረም አበራ ላይ የ14 ቀን የምርመራ የጊዜ ቀጠሮ ፖሊስ ከጠየቀባቸው ምክንያቶች ውስጥ ” መኖሪያ ቤቷን በምፈትሽበት ወቅት የውጪ ሃገር ገንዘብ አግኝተናል ፤ ገንዘቡ በብሔራዊ ባንክ ፍቃድ የተገኘ መሆኑን እያጣራን እንገኛለን ” ተጨማሪ የምርመራ ጊዜ ይሰጠን ፤ …
ጠበቃ ሰለሞን ገዛኸኝ ፦ ” የተከበረዉ ፍርድ ቤት ፖሊስ እንደ ዋና ምክንያት በማጋነን ያቀረበው ተገኘ የተባለው 2 ባለ 50 የኬንያ ሽልንግ ነው ፤ እሱን ባለቤቷ ኬንያ በሄዱበት ወቅት ይዘውት የመጡት ነው ። … ክብር ፍ/ቤት 2 ባለ 50 የኬንያ ሽልንግ እንደ ትልቅ ነገር እዚህ ይዞ መምጣት የዚህን ችሎት ክብር የሚመጥን አይደለም ። ….. ፖሊስ ብርበራ ያካሄደው ግንቦት 21 ቀን ነው ፣ 2 ባለ 50 የኬንያ ሽልንግ የተገኘው በዚሁ ቀን ነው የዚህ ውጤት ለማግኘት ያባለፈው ቀናት አልበቃ ብሎ እንዴት 14 ቀን ይጠየቃል ?! ” በማለት ጠበቃ ሰለሞን ለፖሊስ ምላሽ ሰጥቷል ።
ጠበቃ ሔኖክ አክሊሉ "የተከበረዉ ፍርድ ቤት ፤ ጋዜጠኛ መስከረም ፖሊስ ጠርጥረን የያዝናት በሁከትና ብጥብጥ በማነሳሳት ነው ብሏል ።... ሆኖም ግን ፖሊስ ደንበኛዬን በእስር ቤት እያስጠራበተደጋጋሚ የሚጠቃቸውና የሚመረምረው ፍጽም ያልተገባ ነገር ነው። …. “የጦር ኃይሎች ጠቅላይ ኢታማዦር ፊልድ ማርሻል ጀነራል ብርሃኑ ጁላ እና ምክትል ጠቅላይ ኢታማዦር አበባው ታደሰ ፣ በምትጽፊው ጽሁፍ ከፍተኛ የጦር ጄነራሎችንም አሳቅቀሻል የሚል ጥያቄ ነበር ሲቀርብላት የነበረው” ….
ፖሊስ ይህን የመጠየቅ እና የመመርመር በሕግ የተሰጠው ስልጣን የለውም ፤ ጋዜጠኛ መስከረም አበራ በፃፈችው ጹሁፍ የተሳቀቀ አካል ካለ እራሱ አቤቱታ ያቀርባል እንጂ ፖሊስ አይመለከተውም ።... በእሷ ጽሁፍ "ተሳቀቅኩ” የሚል ሰው በሌለበት በዚህ ልትጠየቅ አይገባም ። ....
በመስከረም ጽሁፍ እስካሁን ተሳቀቅን በማለት ክስም ሆነ አቤቱታ የቀረበ የለም ፤ ይህ በሆነበት ሁኔታ ፤ ፖሊስ በእስር ቤት ደንበኞዬን አስሮ ለማቆት ከመፈለግ ውጪ ጠረጠርኩ ለሚለው ወንጀል ምንም አይነት የምርመራ ሥራ እየሰራ አይደለም ...፤ ይህም በመሆኑ የተከበረዉ ፍርድ ቤት መስከረም በእስር የሚያስቆያት ምንም ነገር ስለሌለ የዋስትና መብቷ ይፈቅዳላት ” በማለት ፤ ጠበቃ ሔኖክ ለፍርድ ቤቱ አቤት ብሏል።
ዘገባው የይድነቃቸው ከበደ ነው
